winter: schnee im dezember in zürich

dä dezember liit ja bekantlich im winter.. da chans scho mal sii das go schneiä chunnt.. was ja jedä freut da er gern wiisi wiähnachtä hetti.. wänn d frau holle sich jedoch den mal traut ihri chüssi z schüttlä, den versinkt züri im chaos.. doch was isch dasmal dä grund? d wätterfrösch wo im chriäg sind (kachelmann vs. bucheli) händ nöd chönaä gnuäg früäh warnä.. wos am halbi 5i losgangä isch hät mä nöd chönä aneh das so viel schnee chunnt und wo den d ruumfahrzüg ändli sind go ruumä hät dä morgävercher scho agfangä.. und d autos und d ruumfahrzüüg sind überall steckä blibä..
was chan mä dägägä machä? oder wiä chan mä sicherstellä nöd z spaat zcho? man benütze den ÖV! denkste.. i dä stadt züri sind 19 ja genau neunzehn busliniä usgfallä.. ok, den halt tram.. weit gefehlt.. vom bellevue her händ sich 4er,15er,4er,2er,4er…. ufgreiht bis zimmli höchi chrüützstrass.. und stelläd eu vor, s hät sogar im hinterstä tram no lüüt gha.. wieso? frägt mä sich da.. den z fuäss, oder mit dä langlauf ski isch mer hüt am bestä underwäx xi.. ich han wo ich d situation realisiert han än spaziergang am see entlang vo dä enge is seefeld gmacht.. leider isch mis handy (n95) leer xi susch hetti no paar fottis gmacht.. han nur eis mit mim business handy chönä machä und das isch leider äs htc, also schlächti bild qualität.. :-(

für alli wo sich das nöd chönd vorstellä.. da no äs paar youtube videos..

thanks to bolzurich for the videos